Politique

Ny Vondron�Olontsotra Mahatsiaro voafitaka

Politique
Alakamisy 10 Martsa 2011

Nilaza ny Vondron’Olontsotra, manohana ny filoha Marc Ravalomanana, tamin’ny fanambarana nataon’ny mpandrindra azy ity fa tsy mankasitraka ny fihetsika nataon’ny mpitarika ny ankolafy Ravalomanana tamin’ny nandehanan’ireto farany teny Ivato ka nanaovana rangopohy ny sori-dalan’ny Dr Simao. «Raisinay ho mpamadika ny tolom-bahoaka mitaky ny ara-dalàna sy ny filoha Marc Ravalomanana izay teny, na nanao sonia na tsia satria ny fandehanana teny Ivato dia manaporofo fa mankasitraka iny sori-dalana manilika ankolaka ny filoha Ravalomanana tsy ho mpandray anjara amin’ny raharaham-pirenena intsony iny». Lasa lavitra aza ny fanambaran’ny Vondron’Olontsotra, ka tonga hatrany amin’ny fitakiana ny tokony hialan’ireo nanao sonia ny sori-dalana ao anatin’ny fitarihana ny ankolafy Ravalomanana, fa manao fitaovana ny tolom-bahoaka hitadiavana toerana fotsiny.

Nangonin’i Jean D.