Politique

Mpiasam-panjakana PCAPE Miantso ny Sadc handray andraikitra

Politique
Zoma 13 Mey 2011

Mba hisiana tetezamita tsy miandany amin’ny atsy na ny aroa, iaraha-mitantana sy tenierana, afaka hanomana ny tena fifidianana dia miantso ny SADC ny Plateforme de Concertation des Agents Publics de l’Etat na ny PCAPE mba hampirisika ny rehetra hampihatra ny tapaka tamin’ny fihaonan’ny Troika ny volana martsa 2011 lasa teo. Miantso ireo filoham-pirenena telo lanim-bahoaka sy ireo mpitarika antoko politika sy ireo fikambanana hafa toy ny fiarahamonim-pirenena sy ireo fikambanana hafa na miankina amin’ny finoana na tsia mba hiverina hidinika an-databatra boribory eto Antananarivo hijerena ilay vahaolana eo amin’ny samy Malagasy. Ao anatin’ilay taratasy ho an’ny SADC izay nalefan’ny PCAPE koa no nanamelohan’ireo mpiasam-panjakana ny mpanjanatany manohy ny fomba mamohehatra, ka manohana mpanongam-panjakana sy ny nosy Maorisy izay misisika hanao fanelanelanana mifanindran-dalana amin’ny ataon’ny SADC. Manoloana ny ho fivoriana hataon’ny SADC ato ho ato momba an’i Madagasikara dia miantso ireo firenena mpikambana ny PCAPE mba ho tena hampiharina sy hamafisina izay rehetra ho fanapahan-kevitra eo.

Nangonin’i Soa