Politique

Manombo Toliara Nanao rodobe koa ny minisitra

Politique
Zoma 20 Mey 2011

Ankoatra ny Praiministra Camille Vital dia fantatra fa minisitra efa ho folo be izao no niara-tonga tany Manombo Toliara nanatrika lanonana fitokanana zava-bita tany tamin�ny herinandro lasa teo iny.

. Izy rehetra ireo, hoy ny vaovao azo, dia samy nitondra ny mpiara-miasa aminy avokoa ary samy mbola nitondra mpanao gazety samihafa ihany koa nandrakotra ny hetsika. Nitorajofo ny vovoka tamin’ireo toerana nandalovan’ny fiara tsy mataho-dalana maro dia maro (4x4 io ê !), hoy ny nanatri-maso ary dia tototr’izany ireo mponina nitofezaky ny krizy tany amin’ireo tanàna maro izay nandalovan’ireo delegasiona fotsiny ihany nampisehoan’izy ireo ny maha izy azy fa tsy mba nisy na iray aza nijanona mba nidinika fohy, na mba nanome vatsin-dalana ho azy ireo. Ny fanadihadiana nataon’ny mpivahiny tany an-toerana no nahalalana fa nanodidina ny sivy alina ariary isanisany ny saran’ny fivahiniana indray andro tao amin’ny efitra iray ao amin’ny hotely lehibe avo lenta nivantanan’ny delegasionina. Dia ataovy ny kajikajy fa izany tokoa ilay fitsitsiana sy fanovana tian-katao.

Manohy