Politique

Mamy Rakotoarivelo Tsy mahazo mivoaka ny sisin-tany

Politique
Alakamisy 31 Martsa 2011

Tsy afaka mivoaka ny faripiadidian’ny fitsaran’Antananarivo, tsy afaka mivoaka an’i Madagasikara ihany koa, mazava ho azy. Izay no tena azo sintonina amin’ny fampitam-baovao nataon’ny Tonian’ny Fampanoavana, Jean-Marie Ramangason, ny alin’ny talata teo. Raha misy ny fikasana hivoaka ny renivohitra dia mila maka fahafahana manokana na koa mampahafantatra an’izany amin’ny lehiben’ny fitsarana i Mamy Rakotoarivelo.

Ny sojaben’ny mpitsara mpanao famotorana no nihaino azy ny andron’ny 29 martsa teo ary mahakasika ny fikasana hifofo ny ain’i Andry Rajoelina no nitazonana azy. Raha araka ilay fampitam-baovao ihany dia tsy mbola afaka velively akory izy fa hoe afaka vonjimaika fotsiny. Mbola arahin’ny fitsarana akaiky ny momba ny dosie mahakasika azy izay efa eo anivon’ny sojaben’ny mpitsara mpanao famotorana. Arahina ihany koa ny fivezivezeny sao atahorana ny hivoaka ny sisin-tany.

r.d