Politique

Leader Fanilo Diso fanantenana amin�ny zava-misy

Politique
Alarobia 27 Aprily 2011

«Tsy afa-po amin’ny zava-misy eto amin’ny firenena izahay. Tsy hisy akony amin’ny fiainam-pirenena ny fampitomboana isa ireo mpikambana eo anivon’ny Kongresy sy ny Filankevitra ambonin’ny tetezamita», hoy Rakotomavo Alain, Sekretera jeneralin’ny antoko Leader Fanilo. Raha nisy Antenimiera voafidy ara-dalàna teto, hoy izy, dia ireo no miantso sy manara-maso ny asan’ny mpanatanteraka fa ny misy amin’izao dia olom-boatendry, hoy ity mpanao politika ity. Olom-boatendry fa tsy olom-boafidy no ao.

Tsy manao ny asany fa ny seza no mahamaika azy ireo. “Ny ao aza tsy manao ny asany koa hampitomboina hatao inona indray ?”, hoy ihany ny sekretera jeneralin’ny Leader Fanilo ity. Ny vahoaka no tokony hatrehina fa tsy ny famalifalian’ireo mpanao politika hafa, hoy Rakotomavo Alain. Nambarany moa fa dia mila miverina amin’ny tena izy ny firenena fa ampy izay tetezamita izay.

Nangonin’i Soa