Politique

Kotomanantsoa R�mi Namaly an-dry Ralison Roger sy Ndremanjary Jean Andr�

Politique
Alakamisy 24 Martsa 2011

Nanoloana ny fanambarana tamin’ny haino aman-jery samihafa nataon’ny mpikambana sasany nisintaka tao amin’ny HPM, toa an-dRalison Roger sy Ndremanjary Jean André, ny talata 22 martsa teo nilaza fa “efa tsy misy olona azo hianteherana intsony ao amin’ny ankolafy Zafy Albert fa ny atidoha rehetra nitarika tao dia efa lasa nikopak’elatra avokoa ka olona mitsipozipozy mitady toerana ambany elatr’i Zafy sisa no ao”, dia tsy niandry ela fa nitondra valin-kafatra ho an’ireo namany taloha ireo i Kotomanantsoa Rémi, mpiara-mitarika ny ankolafy 3 ao Toamasina sady mpikambana ao amin’ny ankolafy Zafy Albert rahateo. Nambarany àry fa “efa tsy matotra ara-politika ireny niala tao amin’ny ankolafy Zafy Albert ireny. Amin’izao fotoana izao dia olona efa manana fahamatorana ara-politika no tavela ao ka vao mainka mahafaly ny any amin’ny fototra izany. Saika olona efa tsy lanin’ny mponina tany amin’ny faritra misy azy avokoa ireny be vava ireny”, hoy izy, ka raha tena lehilahy izy ireo miverena indray mirotsaka hofidiana fa ho hitantsika eo.

Manohy