Politique

Kongresin�ny tetezamita Nitombina ny ahiahin�ny mpikambana sasany

Politique
Talata 10 Mey 2011

Hiditra eo amin�ny asam-baomiera isan-tsokajiny anio, araka ny fandaharam-potoana nolanian�ny daholobe tamin�ny alakamisy 5 mey teo, ny fivoriana ara-potoana atrehan�ireo mpikambana ao amin�ny Kongresin�ny tetezamita.

Hisantatra izany ny fandinihan’ny eo anivon’ny kaomision’ny asa sosialy : fahasalamana sy mponina ary ny vaomieran’ny lalàna ny volavolan-dalàna lah. 002/2010 mikasika ny «Code de la Santé». Eo koa ny asam-baomiera eny anivon’ny kaomision’ny fampandrosoana ny tontolo ambanivohitra : fambolena, fiompiana, jone ary harena an-dranomasina sy ny kaomision’ny vola, tetibola ary ny toekarena sy ny planina handinika ny volavolan-dalàna lah. 004/2011 ahazoana manao sonia ny fifanaraham-pampisamboram-bola natao ny 22 janoary 2009 teo amin’ny Repoblikan’i Madagasikara sy ny Tahirim-bola Afrikanina ho an’ny Fampandrosoana mikasika ny tetikasa fanarenana ny faritr’i Bas Mangoky. Farany ny asam-baomiera handinihan’ny kaomision’ny fampihavanam-pirenena sy ny famotsoran-keloka ny fampitam-baovao sy adihevitra mikasika ny fomba arahina handaniana ny lalàna mikasika ny famotsoran-keloka sy ny CFM (Conseil du Fampihavanana Malagasy).

Raha ny fanamarihana nomen’ireo mpikambana sasantsasany ao amin’ity rafitra mpanao lalàna ity teny Tsimbazaza dia tsy naharay mihitsy ny antontan-taratasy mirakitra ny volavolan-dalàna mikasika ny sata mifehy ny serasera sy asa fanaovan-gazety izy ireo sy ny mikasika ny fandriampahalemana amin’ny ankapobeny amin’ireo be dia be azon’izy ireo hatramin’ny fandaharam-potoana hisian’ny «Conférence des Présidents» manaraka ny talata 14 jona izao. Tsy misy raharaha vanona anefa eto, hoy izy ireo raha tsy misy ny fandriampahalemana. Mahagaga ny tsy nanaovana laharam-pahamehana ny mikasika io raharaha io fa mihamaro tato ho ato ny fanakanan-dalana sy fandrobana andro antoandro eny amin’ny lalàm-pirenena manerana ny Nosy eny. Ary dia nitombina ny ahiahin’izy ireo tamin’ny trangan-javatra niseho tany amin’ny lalam-pirenena faha-34 omaly alatsinainy iny nandroban’ny dahalo ny zotra mpitatitr’olona tao anelanelan’Ambatolahy sy Malaimbandy.

Manohy