Politique

Kaleta �Mbola Senatera aho !�

Politique
Talata 14 Jona 2011

“Senatera, ary mbola Senatera aho hatramin’ny taona 2013”. Io no fehezanteny famerimberin’i Soja Jean André na Kaleta isaky ny mandray fitenenana ankalamanjana sy mamory mpanao gazety, toy ny nataony ny zoma 10 jona teo, tao amin’ny trano fonenany ao Tanambao Tolagnaro. Niezaka nanazava ny tranga nisy tany Gabôrôna izy saingy tsy nanao afa tsy ny namerina izay efa notaterin’ny haino aman-jery sy ireo gazety mpiseho isan’andro. Mikasika ny fanapahan-kevitry ny SADC tatsy Sandton Afrika Atsimo, dia nilaza i Kaleta fa manaiky izay ho avy eo ny tenany. Ankoatra izay dia mitaky ny tokony hanoloana administratera sivily ny lehiben’ny faritra Anosy i Kaleta, raha hesorina ihany ny am-perinasa ankehitriny, noho ny fitakiana ataon’ny FAradofay MItaky ny ZOny (FAMIZO). Amin’ny resaka politika indray dia tsikaritra fa manomboka misintaka ny antoko Liaraiky tarihiny ireo mpikambana maro ao aminy, misedra fahasahiranana koa anefa ireo radiony, izay nanampy betsaka an’i Kaleta tamin’ny resaka politika tamin’iny Faritra Anosy iny.

ROM