Politique

Governemanta vaovao Nailika i Vatovavy Fitovinany

Politique
Alarobia 30 Martsa 2011

Naneho ny alahelony ny zanaky ny faritra Vatovavy Fitovinany taorian’ny fananganana ny governemantan’ny FAT vaovao. Tsy vitan’ny nailika avokoa mantsy ireo zanaky ny faritra fa tsy nisy na iray aza mba natao ho minisitra. Nambaran’izy ireo fa tsy vitsy ny zanak’iny faritra iny no nandray anjara mivantana tamin’ny fananganana ny fitondrana FAT kanefa dia izao no valim-babena. Nogadraina ny kolonely Andrianasoavina Charles. Tsy naverina amin’ny toerany intsony koa ny ministry ny Jono, ny lietnà-kolonely Mandehatsara Georget, izay namana akaikin’io manamboninahitra nogadrain’ny olona notohanany mafy io. Sokajian’ireo zanak’i Vatovavy Fitovinany ho famakiana ady amin’izy ireo mihitsy izao fihetsiky ny FAT izao. Araka ny loharanom-baovao moa dia nampanantenaina fa hotendrena ho mpikambana ao amin’ny Filankevitra ambonin’ny tetezamita ireo minisitra nesorina.

Rakoto Maxime