Politique

Filankevitra Ambonin�ny Tetezamita Nanjakan�ny UDR ny fifidianana filoham-baomiera

Politique
Alakamisy 12 Mey 2011

Araka ny laharana faha-16 ny hitsivolana 2010-010 ny 17 oktobra 2010 sy ny laharana faha- 7 sy faha-20 ny fitsipika anatin’ny mpikambana ato amin’ny Filankevitra ambonin’ny tetezamita dia notanterahina omaly alarobia 11 mey ny fifidianana ny filoham-baomiera telo mba hoentina hanoloana ireo filoham-baomiera taloha izay voatendry minisitra nahitana an’i Reboza Julien, Rabenirina Jean Jacques izay samy mpikambana amin’ny Vondrona Parlemantera ary Ramanantsoa Benjamina izay avy amin’ny Vondrona ESCOPOL.

Araka izany dia voafidy ho filohan’ny vaomieran’ny fanajariana ny tany, ny fanapariaham-pahefana, ny atitany ary ny fananantany i Raholdina Naivo izay natolotry ny vondrona parlamantera UDR-C, filohan’ny vaomieran’ny fifandraisana iraisam-pirenena i Elia Ravelomanantsoa izay natolotry ny vondrona parlemantera ESCOPOL ary filohan’ny vaomieran’ny fizahantany sy ny asa tanana i Joseph Yoland izay natolotry ny vondrona parlemantera UDR-C. Ho mariky ny fanohizan-draharaha, dia samy avy amin’ireo Vondrona ireo ihany koa no nandimby toerana ireo lasa minisitra vokatry ny fifidianana natao. Mpikambana 55 no nandray anjara tamin’ny fifidianana.

Rabe