Politique

Fetison Rakoto Andrianirina �Tsy izay mahafinaritra no tadiavina fa ny ara-dal�na�

Politique
Alakamisy 31 Martsa 2011

Nidina an-kianja tao amin’ny Magro Behoririka omaly i Fetison Rakoto Andrianirina nilaza fa nisy ny dingana vita tamin’ny fahazoan’i Mamy Rakotoarivelo fahafahana vonjimaika, toy izany koa izy telo mpiara-miasa aminy akaiky. Na izany aza dia nohamafisiny fa tsy mbola vita ny tolona satria mbola maro ireo any am-ponja noho ny tondro molotra. Notsiahiviny fa mpitolona 3 no hiakatra tribonaly ao Antsirabe anio alakamisy, satria nanentana olona nitsena ny filoha Marc Ravalomanana teny Ivato tamin’ny 19 febroary izy ireo. “Izany no helony”, hoy i Fetison. Mikasika ny fivorian’ny SADC dia nambarany fa nanontany tena ny Troïka raha rangopohy dia ahafahana manangana governemanta. Noho izany dia fantapantatra fa tsy hankatoavin’ny Troïka io tondrozotra io, hoy izy, ary ho tahaka izany ny SADC, ny Vondrona Afrikanina, ny Vondrona Eoropeanina, ary ny Firenena Mikambana. Tsy ny mahafinaritra ny vahoaka anefa no tadiavina fa ny ara-dalàna, ao anatin’izany indrindra ny fiverenan’ny Filoha Ravalomanana sy Didier Ratsiraka an-tanindrazana.