Politique

Partagé sur :
• facebook

Hiverina indray ny fampiantsoana ny vondrona sy mpanao politika hataon’ny filohan’ny FAT Andry Nirina Rajoelina handinihana indray ny famahana ny krizy.

Ny talata na ny alarobia ho avy io no hanaovana izany, araka ny nambarany raha nitsena ilay vary mora tao Toamasina izy omaly. Nambarany fa «vonona ny fitondra tetezamita hitady ny vahaolana amin’ny krizy”, ka mandritra ny dinika hifanaovana no hitadiavana sy hifanekena amin’izay politika mahomby hitantanana miaraka ny tetezamita. Ny tanjona dia ny hitodihana amin’ny fifidianana marina amin’izay, hametraka ny Repoblika faha-04. Nambarany koa anefa fa ireo izay tsy vonona hiditra ao anatin’ny tetezamita hiarahana, dia mijanona ho mpanohitra izy ireo, fa tsy azo hitarina ny krizy fa mijaly ny vahoaka.

Nisy ny antso avo nataon’i Andry Rajoelina ho an’ireo mpanao politika Malagasy rehetra, amin’ny tokony hanaovana sonia amin’izay ilay sori-dalana naroson’ny Dr Simao. “Tsy tokony hisy intsony ny ady varotra atao ao anatiny, satria ny tanjona dia ny hisian’ny fiaraha-mitantana ka hidirana amin’ny fifidianana amin’izay”, hoy izy. Ankoatra izay, dia nolazain’ny filohan’ny FAT fa tsy hiandry ny tsy afaka ny fitondrany, ary “aleo hiasa sy hitondra ny anjara birikiny amin’ny fampandrosoana sy ny fanovana ny firenena izay te hiasa sy te hiara-kiasa”, araka ny namaranany ny teniny hatrany mikasika ny zava-misy ara-politika ankehitriny eto Madagasikara.

Tia Tanindrazana

Samia mijoro ho an'i Gasikara.