Politique

Elatra Yves Aim� Mandalo krizy sahady koa

Politique
Alakamisy 24 Martsa 2011

Nanao be fiavy ny elatra Yves Aim� Rakotoarison, nisintaka tamin�ny ankolafy Ravalomanana tao anatin�ny herinandro nanaovana rangopohy ilay sori-dalana naroson�ny Dr Leonardo Simao ka hatramin�ny fanolorana anarana ho praiministry ny marimaritra iraisana.

Nisesy ny fanambarana nataon’ity elatra iray nisintaka avy ao amin’ny Tiako i Madagasikara ity nanomboka ny alarobia 09 martsa nihazoan’izy ireo an’Ivato nanao ilay rangopohy, nitohy tamin’ny fanambarana tao amin’ny Colbert ny zoma 11 martsa fa vonona hiroso izy ireo, hifanome tanana amin’i Andry Rajoelina hamarana ny krizy (?) Dia tafiditra an-dapa ny alatsinainy 14 martsa, nandroso anarana izay ho praiministra, nitatra tamin’ny resadresaka natao ny 16 martsa ka nanendrena na namerenana indray an’i Camille Vital ho praiministra. Re fa dia manomboka mandalo krizy anatiny ity elatra ity rehefa tonga amin’ny resaka seza. Nangina tampoka ny seraseran’izy ireo nanomboka teo. Tsy vitsy amin’ireo nanara-dia no latsa-panenenana ka te hiverin-dalana ho any Bel’Air saingy matahotra ny henjehina ho mpamadika an’Atoa Marc Ravalomanana sy ny Legalista nitolona nandritra ny roa taona hamerenana ny ara-dalàna.

Nangonin’i Jean D.