Politique

DST Manoatra noho ny DGIDIE teo aloha

Politique
Alarobia 16 Martsa 2011

Naneho ny hatezerany omaly, ireo zandary mpanao famotorana mikasika ilay fipoahana teny amin’ny Masay. Nilaza izy ireo fa tena resaka politika mihitsy no ataon’ny DST (Direction de la Sécurité du Territoire). Raha mandeha amin’ny saina tsy miangatra ny famotorana mikasika iny raharaha iny dia tsy tokony hanao izany mihitsy ny DST. Ity farany izay eny Ambohitsorohitra no misy azy ary baikon’ny fiadidian’ny filohan’ny FAT mivantana. Nilaza ireo zandary fa manana endrika DGIDIE teo aloha ity DST ity raha izao fomba fiasany izao. Niteraka fifamaliana imasom-bahoaka teo amin’ny samy tompon’andraikitra eo anivon’ny Emmo-Reg sy ny DST ity fipoahana teny Masay ity raha vao nitranga ny raharaha. Ny iray nilaza fa anareo ny famotorana fa izy no mibaiko. Samy manamboninahitra no mifampitandroka ka dia niafara tamin’izao samy fanaovana ny famotorana izao na ny andaniny na ny ankilany.

Rakoto Maxime