Politique

Partagé sur :
• facebook

Natomboka ary tsy maintsy hitohy ny hetsiky ny “Rodoben’ny Malagasy ho an’ny Tanindrazana», araka ny nambaran’ny Praiministra teo aloha, Dr Rakotovahiny Emmanuel lehiben’ny delegasion’ny ankolafy Zafy Albert.

 “Efa tsy manan-kery intsony izao fitondrana tetezamita izao”, araka ny nambarany ka izany no tsy maintsy hanaovana hetsika goavana hitakiana ny fananganana tetezamita tena izy, ahitana ny ankolafy politika rehetra. “Tsy mpitondra no misy eto Madagasikara fa mpanao didy jadona ka mampiteny ny basy sy mampijaly ny vahoaka fa tsy mety miresaka sy mifampiraharaha amin’ny hafa”, araka ny nambaran’ny Dr Rakotovahiny Emmanuel ihany. Izy moa dia manohana ny hevitry ny profesora ZafyAlbert fa tsy mila fangatahana fahazoan-dalana izany ny hetsika fanehoan-kevitra tahaka izao, ary miampy izay dia notsipihany mazava fa “tsy ara-dalàna ny fitsanganan’izao fitondrana izao koa nahoana moa no tsy maintsy haka fahazoan-dalana any aminy izay manao hetsika fanoherana ny tsy mety ataony ?”. Efa tena mijaly ny vahoaka araka ny nambarany ka tsy hanaiky intsony ny tsindrihazolena sy ny tsy rariny atao aminy isan’andro vaky izao ka izay ny mahatonga ny rodobe. Hanatevin-daharana ny eto Antananarivo amin’ny hetika rehetra mbola ho atao ny avy any amin’ny faritra araka ny nambarany ihany. Ho an’ireo avy amin’ny Ankolafy 3 moa dia mazava ny resaka fa rehefa tsy manaiky ny fifampiresahana hananganana tetezamita iaraha-mitantana i Andry Rajoelina dia miala fa tsy midongy toerana !

Nangonin’i RTT

Tia Tanindrazana

Samia mijoro ho an'i Gasikara.