Politique

Dr Manoro R�gis Avoahy aloha ireo gadra politika !

Politique
Alarobia 04 Mey 2011

Ho an’ny Dr Manoro Régis dia ny famoahana ireo gadra politika rehetra, na sivily na miaramila, ny fahafahan’ireo sesitany rehetra miverina an-tanindrazana tsy misy raorao ary ny famotsoran-keloka aloha no tokony hirosoana fa resaka fampandriana andrisa avokoa ny ankoatra izay. Aminy dia fandaniana andro sy vola lany fotsiny ny fiantsoana fivoriana handinihana volavolan-dalàna hataon’ny Kongresy sy ny Filankevitra ambonin’ny tetezamita. Mikasika ilay fanaovan-tsonia, fanohanana ny fanambarana nataon’ny Ankolafy telo ny amin’ny hananganana tetezamita vaovao sy ny fananganana governemanta iraisana dia nanambara ity mpitondra tenin’ny ankolafy Zafy Albert ity fa mbola mitohy ny fanaovan-tsonia. Araka ny fantatra dia nahatratra 5.000 mahery ny fikambanana sy olon-tsotra nanao sonia fanohanana io fanambarana io tany amin’ny Faritra Vatovavy Fitovinany.

Jean D.