Politique

CT Taheza (AMSM) �Diso lalana ny SADC�

Politique
Talata 01 Febroary 2011

«Tsy tia tanindrazana ny ankolafy Ravalomanana tarihan’i Mamy Rakotoarivelo ankehitriny», hoy i Taheza, Filoha nasionalin’ny antoko AMSM (Antoko Miaro ny Sarangan’ny Malagasy) sady mpikambana ao amin’ny Kongresin’ny tetezamita, «fa avy amin’izy ireo no tena mampikatso ny toe-draharaham-pirenena eto amin’ity mametraka izao fepetra samihafa izao ao anaty fifanarahana». «Izay tena tia tanindrazana» hoy izy, «aoka hijery hoe : inona no mety, inona no tsy mety eto amin’ity firenena ity ? Satria anao sy ahy i Madagasikara. Andao hifampidinika, andao hiara-kisalahy satria mijaly ny vahoaka eto amin’ity Nosy ity. Ka tsy hifanasa vangy foana no atao eto». Nambaran’ity Filohan’ny AMSM ity koa, fa «dia diso lalana ry zareo solontenan’ny SADC manankim-po ny raharaha any amin’ny CNOSC», hoy izy, «fa ny ESCOPOL hivondronan’ireo antoko politika maro eto amintsika no tena “médiateur national” eto amin’ny tanin’ny Malagasy. Tsy irery ireo amin’izany fa manampy azy ao ny fikambanana samihafa toy ny Taonilahy, ny Toliara Mijoro ary ireo fikambanam-behivavy isan-tsokajiny». Ara-bakiteny eto ny “tsy miady tsy miady fa ny kibay an-kelika ihany”.

Manohy