Politique

Partagé sur :
• facebook

Niatrika ny Filankevitra ambonin’ny tetezamita ny governemanta Vital omaly. Raha namaly ny fanontaniana napetra-dRanjivason Jean Théodore izay nangataka ny firosoana amin’ny fifidianana avy hatrany ny praiminisitra Camille Vital dia niaiky fa tsy maintsy manaraka ny fanapahan-kevitry ny Sadc ny FAT vao afaka manatanteraka izany.

 Nambarany mihitsy fa izay tapaka mandritra ilay fivoriana maika hiarahan’ny Sadc amin’ireo hery politika malagasy any Gaborone dia tanterahana raha «izay no mahatsara zavatra». Ho an’i Camille Vital dia ala nenina ho an’ny Ankolafy telo izay mbola miziriziry ankehitriny io fihaonana an-tampony io. Sahiny mihitsy no nilaza fa «rehefa tsy mety ihany izy ireo dia aleo ho any !». Endriky ny demokrasia kosa, hoy izy ny famelana malalaka ny Rodoben’ny Malagasy ho an’ny Tanindrazana hanao hetsika an-dalambe saingy tsy maintsy mandray ny andraikiny ny mpitandro ny filaminana manoloana ny mpanakorontana toy ny mpanakan-dalana ka tsy afa-bela amin’izany ireo mpitarika. Nahagaga tamin’ny fandraisam-pitenenana nataon’ny praiminisitry ny FAT kosa ny filazany fa “tsy ilaina ny fampihavanam-pirenena satria tsy nisy niady teto no sady milamina ny tanàna”. “Tsy misy ady totohondry eto na koa olona maty fa ny Ankolafy 3 no manana olana amin’ny mpitondra”. Nambarany ho endrika isehoan’ilay filaminana ny fiarahan’ireo antoko politika samihafa fijery ao anatin’izao fitondrana misy izao.

Yves 

Tia Tanindrazana

Samia mijoro ho an'i Gasikara.