Politique

Bary Rafatrolaza Manana ekipa vonon-kiasa avy hatrany

Politique
Zoma 01 Aprily 2011

Nitety an’Ampandrianomby, Mahamasina ary Anosimasina Itaosy nitsidika ireo sampan-draharahan’ny ministera tantanany i Bary Rafatrolaza omaly, nijery ny zava-misy sy ny mety ho fanatsarana ny fanatanterahana ny asa miaraka amin’ireo mpiasa isan-tokony. Ahoana no handrindrana ny zavatra takiana amin’ny mpiasa sy ny fitaovana hoenti-manatanteraka izany ? Ilaina ny fifamenoana, hoy ny teniny tamin’ireo mpiasa izay naneho ny fahavononan’izy ireo amin’ny fampandrosoana ity ministera ity. Vavan’ny matahotra toerana koa moa izany satria nisy tamin’ireo mpiasa no nahateny fa tsy mbola fantatra na voatazona eto izahay na tsia ??? Ingahy minisitra rahateo tamin’ireo fitsidihana rehetra ireo dia notronin’ireo olona akaiky azy maro izay toa efa nitazantazana ny toerana hisy azy raha ny marina ary efa niaraka taminy mihitsy aza ny ho talen’ny kabinetra vaovaon’ity ministeran’ny fiompiana ity.

Efa tazana mifanaretsaka mifamezivezy etsy Antsahavola koa ireo mpikambana TIM akaiky an’ity minisitra vaovao ity. Mbola voatsiahin’i Bary Rafatrolaza moa ny resaka famahana ny sakana mianjady amintsika amin’ny tsy fahafahana manondrana henan’omby any ivelany efa ho 11 taona katroka izao. Angamba mety efa ahitantsika tsena atsy Afrika Atsimo toerana nanavanana an’Ingahy minisitra tokoa ny amin’ity resaka iray ity !

Manohy