Politique

Partagé sur :
• facebook

Nitafa fohy tamin’ny mpanao gazety omaly i Avimana, filohan’ny vaomiera mpanara-maso ny fifidianana no sady tompon’andraikitra amin’ny fametrahana amin’ny toerany ny Repoblika faha-4 eo anivon’ny Kongresin’ny tetezamita.

 Nambarany tamin’izany fa efa tafiditra ao anatin’ny Repoblika faha-4 isika taorian’ny nandaniana ny lalàmpanorenana vaovao ka tokony hapetraka amin’ny toerany sy hofenoina ireo rafitra mifandraika amin’izany. Lohalaharana ny tokony hanatontosana ny fifidianana filoham-pirenena, solombavambahoaka, loholona, lehiben’ny faritra, Ben’ny tanana... Izany no hatao, hoy ity mpikambana ao amin’ny Kongresy ity dia mba hahafahana miala haingana ao anatin’ny krizy izay mianjady amin’ny Vahoaka malagasy. Nasiana resaka ihany koa ny mikasika ilay fialan’ny filoham-pirenena ao anatin’ny 60 andro mialoha ny hirosoana amin’ny fifidianana izay nambaran’i Avimana fa volavolan-dalàna efa nolaniana teo anivon’ny antenimiera roa ka tsy tokony hisy fiovana intsony na inona na inona vokatry ny fihaonamben’ny SADC momba an’i Madagasikara hatao any Afrika Atsimo rahampitso sabotsy. Marihina fa nankatoavin’ireo mpikambana eo anivon’ny Kongresin’ny tetezamita sy ny Filankevitra ambonin’ny tetezamita ny tokony hananan’ny CENI fahaleovantena ara-bola. Nohamafisin’izy ireo kosa anefa fa tokony hisy ny lalàna mazava hanaraha-maso izany hisorohana ny gaboraraka.

Pati

sary : Avimana, filohan’ny Vaomiera mpanara-maso ny fifidianana no sady tompon’andraikitra amin’ny fametrahana amin’ny toerany ny Repoblika faha-4

Tia Tanindrazana

Samia mijoro ho an'i Gasikara.