Politique

AV7 Miantso an-dRajoelina hirotsaka hofidiana

Politique
Talata 08 Febroary 2011

Nametraka voninkazo teo amin�ny tsangambato fahatsiarovana ireo namoy ny ainy tamin�ny raharaha 07 febroary ny fikambanana AV7 notronin�ireo fianakavian�ny niharam-boina.

Nambaran’Atoa Boana, filohan’ny fikambanana, tamin’izany fa mbola maro ireo tsy hita faty, roa taona taorian’ireny famonoana olona ireny ankoatra ireo mbola manaraka fitsaboana. Hametraka fitoriana amin’ny fitsarana irasam-pirenena koa ny AV7 raha ny nambarany ka manao antso avo amin’ireo tomponandraiki-panjakana mba hanolo-tanana azy amin’izany. Mangataka ny filohan’ny FAT, Andry Rajoelina, mba hanohy hatrany ny fanampiana ara-bola mitentina 200.000 Ariary isam-bolana ho an’ireo niharam-boina izy ireo na dia efa tapitra aza ny fe-potoana Tetezamita satria maro, hoy ny filohany ireo tsy mahavita miasa intsony noho ny takaitrany.

Ankoatra izay dia miantso an’i Andry Rajoelina hirotsaka amin’ny fifidianana filoham-pirenena koa ny tenany. Antso izay efa nataon’ity fikambanana ity tamin’ny taon-dasa. Mbola miandry ny fijerena ny didim-pitondrana ny fanohizana na tsia ny fanampiana aorian’ny tetezamita izay nangatahin’ireo niharam-boina raha ny navalin’i Andry Rajoelina. Nampanantena toerana ao amin’ny Kongresin’ny tetezamita ho an’ireo mpikambana ao amin’ny AV7 koa ity farany.

Yves