Politique

Antsirabe Ahiana hisy fifanjevoana

Politique
Alarobia 11 Mey 2011

Niteraka resabe ary tsy nahafaly ny Legalista, indrindra ireo zanak�i Dada ao Antsirabe renivohitr�i Vakinankaratra ny fahitana vaovao nivoaka an-gazety ny talata 10 mey 2011 milaza ny mety hisiana hetsika tarihin�olona hafa ao amin�ny Magro Avaratsena ny sabotsy 14 mey ho avy izao.

Anisan’ireo mpitari-tolona tao amin’ny Magro ilay nanao fanambarana an-gazety saingy araka ny fantatra tamin’ireo mpitarika ao amin’ny Magro amin’izao fotoana dia nisy ny olana sy tsy fifankahazoan-kevitra teo aminy sy ireo mpitarika ka nisintaka ity ranamana ity. Tsy nionona teo anefa izy fa nitady hirika ny hamelezana ireo mpitarika tao indray ka nahatonga fisamborana sy fitanana am-ponja ny sasany tamin’ireo mpitarika mihitsy izany taty aoriana. Voalaza fa dia hiverina ao amin’ny Magro indray ilay nisintaka kanefa tsy nifampiresaka akory amin’ireo mpitarika izany ka izay no nahasorena ireo mpitolona ao amin’ny Magro. Amin’izy ireo mantsy dia hanao ny fomba ratsiny indray ity ranamana ity ka izay no mampanahy ny mety hiverenan’ny disadisa aminy sy ireo mpitarika indray. Araka izany, ahiana indray ny hisian’ny fifanjevoana eo amin’ireo samy mpitolona ao Antsirabe. Ho hita eo ihany ny tohiny fa raha ny zavatra tsikaritra aloha dia sesilany ny fivorian’ny mpitandro filaminana ao anivon’ny Emmoreg ao Antsirabe amin’izao fotoana izao.

Caius R.