Politique

Antoko MMM Mbola miandry ny volavolan-dal�n�ny mpanao gazety

Politique
Talata 01 Martsa 2011

Mbola miandry hatrany ny fikambanana mpanao gazety samihafa hanatitra ilay volavolan-dalàna hifehy ny satan’ny asa fanaovan-gazety na ny fifandraisana amin’ny ankapobeny ny filohan’ny antoko MMM (Malagasy Mivondrona Mitolona), Randriambaomahova Max Halvarie izay mpikambana ao amin’ny Kongresin’ny Tetezamita ka efa nilaza tamin’ny iray volana lasa izay fa vonona ny hitondra izany antontan-taratasy izany hodinihan’ny vaomieran’ny lalàna misy azy eny amin’ity rafitra mpanao lalàna ity. Notsiahiviny fa tokony ho ny mpanao gazety no hitondra ny hevitra ao anatin’izany fa tsy olona misahana asa hafa tsy akory.

Mikasika an’ilay diniky ny mpanao politika nambaran’ny filohan’ny FAT hatao dia nilaza ny fahavononany ny antoko MMM ka ny zavatra antenain-dry zareo hiseho ao amin’izay dinika izay dia ny famahana ny krizy satria tsy eken-dry zareo ny hisian’ny fifandonana eo amin’ny samy Malagasy fa ny dinika an-databatra boribory ihany no tokony hatao. Mangataka kosa anefa ry zareo mba hatao mitovy ny isan’ny mpandray anjara antsoina isaky ny antoko politika ka tokony ho ny filohan’ny antoko tsirairay avy mihitsy no hitarika ny delegasiony avy. Fa hatry ny omaly nifampiresahana aloha dia nilaza ho tsy mbola naharay ny taratasy fanasana mikasika izany ity antoko MMM ity.

Manohy