Politique

Ankolafy Ratsiraka Manomana mafy ny fiverenan�ny filohan�izy ireo

Politique
Alarobia 09 Febroary 2011

Manomana mafy mitady ny hirika rehetra ahafahan�ny amiraly hiverina an-tanindrazana amin�izao fotoana izao ny ankolafy Ratsiraka.

Araka ny loharanom-baovao anefa dia misy ireo tompon’andraikitra miaramila olon’ny amiraly teo aloha saingy efa nivadika amin’izao fotoana izao rehefa nomen’ny FAT toerana ambony, manakana mafy io fiverenana io. Ny anton’izany, araka ny fantatra, dia satria matahotra sao hahazo vahana ny amiraly rehefa tonga eto an-tanindrazana.

Etsy andaniny, efa saika eto an-toerana ny ankamaroan’ireo ekipan’ny amiraly izay tsy nivadika taminy hatramin’izay ka hatramin’izao. Ankoatra an’i Tantely Andrianarivo sy ny jeneraly isany Jean Jacques Rasolondraibe, Tsaranazy Jean Emile dia fantatra ihany koa fa efa midina eny ambany tanàna mihitsy ny ministry ny fanajariana ny tany teo aloha Ramanantsoa Herivelona. Teny ambany tanàna moa no tena nahafantaran’ny maro azy niaraka tamin’i Rossy nandritra ny fitondran’ny Amiraly. Miezaka mamerina ny tanjaky ny antoko ny lehilahy amin’izao fotoana izao ary misoko mangina izany. Ny tanjona amin’izany rehetra izany dia ny fanomanana ny fiverenan’ny amiraly ka hitsenana azy amin’ny fomba manetriketrika.

Rakoto Maxime