Politique

Amiraly Didier Ratsiraka �Mitsangana ry tanora !�, hoy izy tao amin�ny Magro

Politique
Alarobia 30 Martsa 2011

Efa ho herintaona mahery no niarahan�ny ankolafy 3 teny an-kianja, hatreny Ankorondrano ka hatreny Behoririka fa sambany niditra nivantana an-telefaonina tao amin�ny Kianjan�i Behoririka ny Amiraly Didier Ratsiraka.

Tsy nanao kabary lava anefa ny lehilahy fa nangataka ny mpiara-mitolona rehetra niaraka niredona taminy ny hiran’ny tolom-panafahana : “Madagasikara Tanindrazanay”. Somary nasiany tsindrim-peo mafimafy kokoa ny famaranana natao niadana hoe : “Mitsangana ry tanora, mitsangana fa aza manana ahiahy !”. Ny hiaka mahazatra sy nahafantarana azy teo amin’ny fitondrana fahiny no namaranany an’izany dia ny hoe : “Ho ela velona i Madagasikara tsy mandohalika ! Ho ela velona i Madagasikara mijoro”.

Ity trangan-javatra ity moa tamin’ny ankapobeny dia toa nanamarina ny voalazan-dRtoa Marthe nialoha ny antso an-telefaonina nilaza fa “Izany Didier Ratsiraka izany dia tsy manadino mihitsy ny tolom-panafahan’ny tia tanindrazana Malagasy ary izy no nanangana ny Mausolée”. “Tsy amelantsika”, hoy izy, “raha tsy afaka isika ary malalaka i Madagasikara”. Izy moa dia anisan’ny nisaotra ny rehetra sy nidera ny hafanam-pon’ny maro nanatontosa ny hetsika teny Ambohijatovo omaly tahaka an’i Ihanta Randriamandrato sy Lalatiana Ravololomanana nandray fitenenana teo alohany. Mitohy ny tolona, ary tsy maintsy miverina ny fanjakana tan-dalàna, hoy izy ireo.

Manohy