Actualités

Telma sy ny Rncfm Mpiasa 2500 no tsy manan-koraisina

Actualités
Alarobia 14 Aprily 2010

Feno 7 taona amin�ity 2010 no nandroahana ireo mpiasa 1200 tao amin�ny orinasa Telma sy 1300 mahery tao amin�ny Rncfm vokatry ny fisintahan�ny fanjakana ny fitantanana ny orinasam-panjakana ka namindrana izany amin�ny sehatra tsy miankina.

Mbola miandrandra hatrany ny zo sy tombontsoany ireo mpiasa ireo ankehitriny. Nisy hatrany ny fifampiresahana tamin’ny mpitondra nifandimby saingy tsy nahitan’izy ireo mangirana izany hatramin’izao. Maro anefa ireo efa namoy ny ainy izay efa mahatratra 100 raha ho an’ireo mpiasan’ny lalamby fotsiny. Ny tambin-karama vokatry ny fampitsaharana amin’ny asa no mba hany zo azon’izy ireo mpiasa fahiny tao amin’ny Rncfm tamin’ny taona 2003 raha mbola ady mafy kosa ny resaka fisotroan-dronono. Manomana ny antontan-taratasy entina manamafy ny fangatahana izay mety ho tombontsoany eny anivon’ny fitondram-panjakana indrindra ny komity mpandrindra ankehitriny araka ny nambaran’i Albert Ranaivoson, mpiasa fahiny tao amin’ny Rncfm. Sarotra anefa ny fandidiana satria tsy mahafeno ny fepetra takian’ny Cnaps sy ny Crcm ny ankamaroan’ireo mpiasa voaroaka tamin’ity orinasa ity. Izay nahavita 15 taona no ho mihoatra teo anivon’ny toeram-piasany ihany mantsy no mahazo fisotroan-dronono ary raha latsaky ny 45 taona ilay mpiasa tamin’ny fotoana nandroahana azy dia miala maina ihany koa izy araka ny fepetra mifehy ny Crcm. “Hany sisa ianteherana dia ny famerenan’ny Cnaps ny latsakemboka nandritra ny fotoam-piasana raha sanatria tsy tafavoaka mihitsy ny fangatahana fisotroan-dronono” hoy i Albert Ranaivoson. Marihina fa ireo mpiasa tamin’ny zotra avaratra izany hoe ny mampitohy an’Antananarivo Toamasina, Antananarivo Antsirabe ary Moramanga Lac Alaotra no voakasik’io fandroahana io.

Tsy ara-drariny ny fandroahana

Ho an’ireo mpiasan’ny telma kosa dia ny fandikan-dalàna sy ny fanararaotam-pahefana nataon’ny mpitantana ny orinasa taorian’ny fisintahan’ny fanjakana no toherin’izy ireo. Ny fahasahiran’ny orinasa no anton’ny fandroahana izay nolavin’ireo mpiasa avy hatrany . “Tsy mitombina izany satria iaraha-mahita fa manao dokambarotra be sy manohana hetsika ara-panatanjahantena maro ny telma” hoy i Francois Xavier, solontenan’ny mpiasa fahiny. Nifanaraka moa ny mpiasa sy ny orinasa tamin’ny fotoana nandraisan’ny tsy miankina ny telma fa tsy hisy ny fandroahana ao anatin’ny 5 taona saingy nitohy tsy ankiato izany hatramin’ny taona 2009 teo tamin’ny alalan’ny fanesorana ny “delegué du personnel”.Ankoatra izay dia nisy koa fifanarahana vaovao tamin’ny 19 jona 2008 izay milaza fa tsy tokony hihoatra ny 650 no fetran’ny mpiasa azo esorina amin’ny asany saingy notsinitsiniavin’ny telma koa izany raha ny nambaran’i Francois Xavier “Raha 2327 ny isan’ny mpiasa tamin’ny taona 2004 dia zara raha 900 sisa ankehitriny ka mpiasa vaovao ny 300 amin’ireo”, hoy i Francois Xavier. Raharaha maro moa ankehitriny no mampifanolana ny Tale jeneralin’ny telma i Patrick Pisal Hamida sy ireo mpiasa sasany voaroaka ireo eny anivon’ny fitsarana izay mbola andrasana ny valiny. Omaly dia naira-niombom-bavaka teny amin’ny Ekar Soanierana ireo mpiasa very asa ireo mba hitondrana am-bavaka ny fiainany.

Yves