Actualités

Razanamahasoa Christine Heloka tsotra fa tsy antony ara-politika no anenjehana ireo �gadra politika�

Actualités
Talata 13 Aprily 2010

Tsy mbola nisy ny fihaonana teo amin’ny minisitry ny fitsarana Razanamahasoa Christine sy ny Hetsiky ny Mpitondra Fivavahana raha ny nambaran’ny minisitra iresahana momba ny raharaham-pirenena. Nambarany kosa anefa fa naharay ny taratasy mirakitra ny fangatahana famotsorana tsy misy hatakandro ireo voalaza fa gadra politika, avy amin’ireo mpitarika ny Hetsiky ny Mpitondra Fivavahana ny tenany. Nohamafisin’ity minisitra ity fa heloka tsotra noho ny fanapoahana baomba sy noho ny asa fanakorontanana teto amin’ny firenena no iampangana azy ireo fa tsy misy antony ara-politika akory. Araka izany dia gadra tsotra izy ireo fa tsy gadra politika araka ny hevitry Razanamahasoa Christine ihany. Ny fanadihadiana ataon’ny Fitsarana no afaka manameloka na tsia ireo gadra ireo ary tsy afaka hiditra amin’ny fahalalahan’ny fitsarana koa ny ministera, hoy izy.

Andry sy Yves