Actualités

Magro Ankorondrano Hiakatra fitsarana ambony amin�ny alarobia izao ny raharaha

Actualités
Sabotsy 27 Martsa 2010

Tsy manaraka ny lal�na manan-kery ny didim-pitsarana momba ny raharaha Magro izay manafoana ny fifanarahana fanofana tany teo amin�ny TOP na ny Tiko Oil Product sampan�orinasa eo anivon�ny Tiko sy ny Antenimieran�ny varotra Antananarivo izay narahan�ny fanidiana ity faritra ity raha ny nambaran�ireo mpisolovava ny orinasa Tiko.

Nanaja ireo fepetra rehetra voafaritry ny fifanarahana tamin’ny taona 1998 ny Top raha ny nambaran’izy ireo satria nahaloa hatrany ny hofan-tany mitentina18 tapitrisa ariary isan-taona izy hatramin’ny taona 2008. Nakarin’ny mpampanofa ho 24 tapitrisa ariary isan-taona anefa io hofany io nanomboka tamin’ny 2009 saingy tsy nanaiky nandoa izany ny Top satria tsy nifanarahan’ny roa tonta io fanondrotana io. «Rehefa feno 10 taona ny fifanarahana dia azo atao ny mampiakatra ny hofan’ny tany saingy tsy mihoatra ny 15% izany. Ny olana anefa dia fanapahan-kevitry ny Antenimiera samirery io nampakatra hofan-tany io fa tsy nifampiresahana ka nampiakatra ny raharaha teny amin’ny fitsarana ny Top», hoy ny Me Radson, mpisolovava ny Tiko. Teo anatrehan’izany dia nangataka fanapahana ilay fifanarahana lavareny maharitra 40 taona ny Antenimieran’ny varotra satria sady tsy mahaloa ny hofan-tany ny Top hoy izy, no tsy misy fanorenana trano fivarotana midadasika koa teo amin’ny tany nampanofainy. Tsy mitombina ny fitoriana, hoy ity mpisolovava ity satria nisy tokoa ny zava-bita nitsangana teo amin’ny faritry ny Magro saingy potika tao anatin’ny indray mipi-maso izany.

Nokianin’ny Me Radson koa ny fanomezan’ny fitsarana rariny ny Antenimieran’ny varotra tamin’ity ady ity izay manitsakitsaka ny fehezan-dalàna mifehy ny ady madio. Nivoaka ny10 martsa ny didim-pitsarana manafona ny fifanaraham-piaraha-miasa ka nahazo alalana hampihatra izany avy hatrany ny antenimieran’ny varotra ary herinandro taorian’io izany hoe ny 17 martsa dia nanaraka ny didy raikitra. Raha araka ny lalàna dia antony roa ihany no antony ahafahana mampihatra didim-pitsarana avy hatrany dia noho ny hamehana sy ny fisian’ny tranga mety hitera-doza izay samy tsy mitombina, hoy ity mpisolovava ity. Nohamafisin’ny Me Hanitra koa fa nihazakazahana ny fanomezana didy raikitra ho an’ny Antenimieran’ny varotra kanefa manana iray volana ny Top hitondra ny raharaha amin’ny Fitsarana ambony. Raha tsy mampiakatra ny Top ao anatin’ny fotoana io izay vao azo atao ny manome ny didy raikitra, hoy ihany izy.

Nasian’ireto mpisolovava ireto resaka ihany koa ny tsy fanarahan-dalàna momba ny fampiharana ilay didim-pitsarana. Voamarina ao amin’ny fitanana an-tsoratra nataon’ny vadintany fa nisy lehilahy iray tao amin’ny faritry ny Magro tamin’ny fotoana namantsihana ny vavahady ny marainan’ny 17 martsa tamin’ny 7 ora. Navoaka avy hatrany io rehefa nomena azy ny dika mitovy tamin’ilay fitantanana an-tsoratra. Rehefa nanao fikarohana momba ity olona ity anefa ireo mpisolovava dia voaporofo fa vehivavy ilay olona nolazaina fa niandry tao amin’ny Magro io ary tsy mpiasan’ny Top akory izy. «Ankoatra izay raha ny lalàna koa dia any amin’ny foiben’ny Top eny amin’ny 98 route circulaire na ihany koa eny anivon’ny établissement principal no andefasana ny fitanana an-tsoratra raha misy ny ady saingy ity olona sendra nandalo ity no nomena izany». Fantatra moa fa dia nampiakatra ny Tiko ka amin’ny alarobia ho avy izao dia handalo eo anatrehan’ny filohan’ny fitsarana ambaratonga voalohany ny raharaha ho fampihatoana ny fampiharana ny didy.