Actualités

Hala-bola tao amin�ny Jirama Toamasina Naverina tany amin�ny fampanoavana ny antontan-taratasin�ady

Actualités
Talata 30 Martsa 2010

Mitandrina mafy ny mpitsara misahana ilay raharaha fanodinkodinam-bola nitranga tao amin�ny Jirama Toamasina mba tsy hiverenan�ilay fampiatoana mpitsara, toy ny nitranga tamin�ilay raharaha �bois de rose� nitarika fampiantoana filoham-pitsarana roa, dia ny fitsarana ambony sy ny fitsarana ambaratonga voalohany ao Toamasina.

Raha nandeha tsara mantsy ny fanadihadiana savaranonando nataon’ny mpitsara zokiolona mpanao famotorana ny alarobia sy ny zoma lasa teo, dia naato indray izany. Araka ny loharanom-baovao dia vokatry ny fampakarana ny antontan-taratasin’ady any amin’ny lehiben’ny fampanoavana ny fitsarana ambaratonga voalohany ao Toamasina no nampihantona aloha ity fanadihadiana ity, nefa araka ny fanazavana azo ihany dia hitohy izany amin’ity herinandro ity. Ho lava rahateo ny famotorana noho hamaroan’ny voarohirohy.

Fa ny nahavariana amin’ity fanodinkodinam-bola, 6.000 tapitrisa ariary, teo anivon’ny Jirama Toamasina ity, dia misy mitady hamadika ho resaka politika ny raharaha. Efa mandeha indray mantsy ny feo izao fa «namatsiana ny hetsiky ny ankolafy telo, hono, ireo vola be ireo», nefa ny fanazavana ihany no nahalalana fa misy iray amin’ireo voarohirohy no hita niray toerana tamin’ny mpikambana HAT iray nandritra ny fifampiarahabana natratra ny taona vaovao ny volana febroary lasa teo. Ho hita eo ihany moa ny ho tohin’ny fanadihadiana savaranonando, na efa misy kendrena hizaka ny rihatra rehetra aza ireo voarohirohy amin’ity raharaha ity.

Jean D.