Actualités

Partagé sur :
• facebook

Diso fanantenana tanteraka ny vahoaka raha niandrandra �fanovana� araka izay novoizina teny amin�ny 13 mey sy teny amin�ny kianjan�ny demokrasia Ambohijatovo.

Voalohany aloha, aiza izay PPN mora vidy nampanantenaina herintaona lasa lasa izay ? Sa ireny varin’ny Mana sy ny Magro ireny izany ? Ary ny menaka ? Angaha tsy efa nahita mpamatsy amin’ny vidiny ambany kokoa indray ? Ilay mangarahara nampanantenaina sy andrasan’ny vahoaka ity ? Aiza ho aiza ny tohin’ireny fahatratrarana vovo-bolamena 4kg ireny ? Iza no tompon’andraikitra tamin’izany no tsy nambara ho fanta-bahoaka nefa zony ny mahalala izany, satria fananam-pirenena ireny. Nanjavona koa angaha ilay izy nony tonga teto no toa tsy andrenesam-peo intsony ? Izao ve no hoe mangarahara ? Mety hatao fialan-tsiny angamba ny sazin’ny GIC. Aza hadinoina fa talohan’ny sazy anie no efa niandry an’izany mangarahara izany ny Malagasy. Faharoa, marina tokoa ve afaka mampandroso ny firenena ny Fahefana Avon’ny Tetezamita, tarihin’i Andry Rajoelina na tsy misy aza ny famatsiam-bola avy any ivelany ? Hatraiza no mety hitombina izany ? Mila hotsiahivina indray ve fa tamin’ny naha Ben’ny tanànan’Antananarivo ny mpitondra ankehitriny anie ka nisavovona izaitsizy ny fako teto ? Inona no teto fa tsy lany andro nitaraina ny Ben’ny tanàna tamin’izany hoe «tsy omen’ny fanjakana fanampiana». Marina fa namboarina ny Lapan’ny tanàna, nefa izany ve no maika ? Manana birao anie ny Kaominina e ! Tsena no tsy ampy, mikorontana ny mpivarotra ary ny fako no niparitaka sy nameno ny tanàna, ka nametraka olana teto.

Tia Tanindrazana

Samia mijoro ho an'i Gasikara.